د جرمني د پوهنتونونو سيستم

څنګه کولای شم د جرمني په يو پوهنتون کې زده‌کړه وکړم؟

دلته موږ د {videoservice} د منځپانګې لرونکي يو. د نورو مالوماتو لپاره {socialhintlink_end}(دلته){socialhintlink_begin} کلېک وکړئ.

د جرمني په پوهنتونونو کې زدکړه، د زدکړو د يوه نړيوال سند د ترلاسه کولو او د جرمني ژبې د مهارتونو پياوړي کولو لپاره ښه فرصت دی. په جرمني کې سلګونه پوهنتونونه، د موزيک اکاډمۍ، د تطبيقي علم پوهنتونونه، د هنر کالجونه او د فلم ښوونځي فعال دي. د دوی له منځه د وړ پوهنتون ټاکل اسانه کار نه دی. له دې مخکې چې په يوه ځانګړي پوهنتون کې زدکړې پیل کړئ؛ بايد د زدکړو او درجې ترلاسه کولو په اړه ښه غور وکړئ.

که څه هم ځينې پوهنتونونه په انګليسي تدريس کوي خو يوه زياته برخه پوهنتونونه په جرمني ژبه دي. همدا شان د دولتي پوهنتونونو تر څنګ ځينې خصوصو پوهنتونونه هم شته چې ښايي زيات فيس واخلي. پوهنتون ته له نوم‌ليکنې وړاندې بايد د جرمني ژبې ازموينه ترسره کړئ او تاييد کړئ چې پخواني ترلاسه کړي سندونه مو په جرمني کې په رسميت پېژندل کيږي. دلته د دې ټولو موضوعاتو په اړه مالومات درکوو. لا زيات مالومات زموږ په نورو څپرکيو (پوهنتون ته نوم ليکنه) او (د زده‌کړو تمويل) کې لوستلای شئ.

زما لپاره د لوړو زده‌کړو کوم بنسټ غوره دی؟

پوهنتون (Universität)

د تطبيقي علم پوهنتونونه (Fachhochschule)

د دندو اکاډمۍ (Berufsakademie)

د هنر يا موسيقي پوهنتونونه

د ديني زده‌کړو يا تيولوژۍ پوهنتونونه

د عامه ادارې پوهنتونونه (Fachhochschule für öffentliche Verwaltung)

مهم

پر (hochschulkompass.de) د لوړو زده‌کړو د بېلابېلو ډولونو او د فراغت د سندونو له مخې اړوند مالومات او خپلو پوښتنو ته ځوابونه موندلای شئ.