په جرمني کې د موټر چلولو لپاره د اصولو له مخې د جرمني يا اروپايي ټولنې د کوم بل غړي هېواد د ډرېورۍ لايسنس ته اړتيا ده. د دې تر څنګ ستاسې د اصلي هېواد لېسنس په جرمني کې له ثبت وروسته یوازې د شپږو مياشتو لپاره معتبر دی. دا موده په جرمني کې له لومړي ځل ثبتېدلو وروسته پیل کيږي. له هغه وروسته بايد خپل لاېسنس په جرمني معادل لاېسنس بدل (Umschreibung) کړئ. په ياد مو وي چې په چې د موټر چلولو پر مهال بايد تل لايسنس له ځان سره ولرئ. د جرمني په لېسنس د بل هېواد د لېسنس بدلولو شرايط د هر هېواد لپاره توپير کوي.
که جرمني ته يوازې د ليدو لپاره راځئ؛ کولای شئ د خپل هېواد په لېسنس ډرېوري وکړئ. البته هغه کسان چې د جرمني له قانون سره سم د موټر چلولو عمر ته نه وي رسېدلي؛ دا اجازه نه لري. د خپل لېنسس د اعتبار او نورو ورته موضوعاتو په اړه د ترانسپورت او ډيجيټل زېربنا فدرالي وزارت پر وېبسایټ ډېر مالومات موندلای شئ.
يادونه: د پناغوښتنې د پروسې پر مهال مو د لایسنس په ګډون ټول سندونه له بمف سره پاته کيږي. دا سندونه هغه وخت ترلاسه کولای شئ چې د پنا غوښتنې پروسه مو بشپړه شي. په دې موده کې له لایسنس پرته د موټر چلولو اجازه نه لرئ.