د اوږده واټن وهونکو بسونو بېلابېل شرکتونه د الوتکو او ټرېنونو په پرتله يو ارزانه بديل کېدای شي. دا بسونه د جرمني مهم ښارونه يو له بل سره وصلوي او تمځايونه يې د Bus-Bahnhof يا Zentraler Omnibusbahnhof (ZOB) په نوم ياديږي. تاسې کولای شئ د دې بسونو ټکټونه په مرکزي تمځايونو کې او يا په انلاين ډول ترلاسه کړئ. په دې (busradar.com) او (omio.com) وېبسایټونو او د اړوندو اپلېکېشنونو کې د بسونو بېلابېل شرکتونه او د هغو بيې يو له بل سره پرتله کولای شئ.
د جرمني د رېل ادارې (Deutsche Bahn) ټرېنونه د جرمني ډېری ښارونه يو له بل سره تړي. په ډېرو ايالتونو کې له دې ادارې پرته د ټرېنونو نور سيمهييز شرکتونه هم کار کوي چې واړه ښارګوټي او کلي يو له بل سره تړي. د ټرېنونو ټکټونه د ټرېنونو په تمځايونو کې د ټکټونو په پلورنځيو، اتومات ماشينونو او يا انلاين ډول ترلاسه کولای شئ. که له سفر ډېر مخکې ټکټ واخلئ؛ ښايي ښه تخفيف (Sparpreis) ترلاسه کړئ.
په هر ايالت کې ګروپي ټکټونه، د اونۍ د پای ټکټونه او د سيمهييزو ټرېنونو ټکټونه هم شته. له شپږو کالونو د ټيت عمر ماشومان تل وړيا سفر کولای شي. پر (www.bahn.de) وېبسایټ د ټرېن ټکټونه په انلاين ډول پېرلای شئ.